“Yahoo” э-майлд ирдэг э-майлыг өөрт хэрэгтэй байдлаар ялгах

“Yahoo” э-майлыг хэрэглэдэг олон хэрэглэгч байгаа болов уу. Таны хаягт маш олон э-майл ирж байгаа гэж бодож байна. Үүнд хэрэгтэй э-майлээс гадна хэрэггүй э-майл бас маш олон ирдэг байх. Зарим тохиодолд хэрэггүй э-майл нь хэт их ирснээс болж хэрэгтэй э-майлээ анзаарахгүй өнгөрөх тохиолдол мөн гарч байсан байх.

Энэ нь үндсэндээ таньд ирж байгаа э-майлыг фолдерт хувааж өгөх болно. Ингэснээр хэрэггүй олон э-майл дотроос хэрэгтэй э-майлээ хайх хэрэггүй болно.

Ирж байгаа хэрэггүй э-майлыг ялгах арга.

Эхлээд таньд ирсэн э-майлыг хадгалах фолдороо үүсгэх хэрэгтэй. Энэ нь та өөрөө дуртай нэрээ өгч болно. Миний хувьд ажлын, гэр бүлийн э-майл зэргээр фолдор үүсгэж хэрэглэдэг.
Гарч ирсэн цонхонд фолдорын нэрийг оруулна уу.

Фолдор тань зүүн талд “Folders” доор нэмэгдэнэ.
Та ялгах гэж байгаа э-майлээ сонгоод “More…” дотор байгаа “Filter Emails Like This…”-г дарна уу.
Үүний дараа доорх цонх гарч ирнэ. Энэ цонх нь хэнээс ирсэн э-майлыг хааш нь хийх талаарх тохиргоо юм. Энэ нь маш олон янзаар ялгах боломжтой.
“Filter”-ийн нэрийг бичээд “From” дээр нь тухайн фолдорт хийх э-майл хаягаа бичих хэрэгтэй. Үүний доор байгаа гурван хэсгийг хоосон орхиод “Then move the message to this folder” дээр ирсэн э-майлыг хаана хийхийг сонгож өгнө.
Мөн заавал ирж байгаа э-майлээ хаягаар нь ялгах шаардлагагүй.
Жишээлбэл: “Subject” буюу гарчгийг нь “Test” гээд хадгалах фолдорыг нь “Trash” гэж тохируулвал “Test” гарчигтай бүх ирсэн э-майлыг хогийн саванд хийнэ гэсэн үг юм.
Үүний дараагаас ирсэн э-майлыг тухайн үүсгэсэн фолдроос орж харах боломжтой.
Үүсгэсэн ялгах тохиргоогоо өөрчлөх боломжтой. Баруун дээд хэсэгт байгаа тохиргооны зураг дээр дараад “Setting”-руу орно уу.
Гарч ирсэн цонхны “Filter” хэсэг дээр дархад таны үүсгэсэн ялгах тохиргоо бий.
Шинээр фолдер нэмэх бол “Add”, Үүсгэсэн тохиргоогоо өөрчлөх бол тохиргоогоо сонгож байгаад “Edit”, Устгах бол хэрэггүйгээ сонгоод “Delete”, Үйлдлээ хийж дууссан бол “Save” товчийг дараад дуусч байна.

Та э-майл хаягаа ашиглахдаа тухайн тохиргоог хийсэн байхад хэрэгтэй мэдээллээ дараа нь олоход таньд амар байна гэж найдаж байна.

Таньд таалагдсан бол “Like” болон “Share” хийж өгнө үү.

2015-05-06

“Facebook” дээр ядаргаатай ирээд байгаа “Notification”-г ирүүлэхгүй болгох

“Facebook” сүүлийн үед мэдээлэл хүлээж авдаг гол хэрэгслийн нэг болоод байгаа билээ.

Та “Facebook” хаяг руугаа ороход янз бүрийн мэдэгдлүүд ирсэн байдаг байх. Үүнд хэрэгтэй, хэрэггүй олон янзын мэдэгдлүүд ирсэн байдаг болвуу. Таны тоглохыг хүсэхгүй байгаа тоглоом эсвэл хэрэглэхийг хүсэхгүй байгаа апплекашн зэргээс мэдэгдлийг ирүүлэхгүй болгож зөвхөн өөрт хэрэгтэй л мэдэгдлээ авдаг болох аргыг заая.

Хүлээж авахыг хүсэхгүй байгаа мэдэгдэл буюу ”Notification”-г хаах дараалал.

Та хүлээн авахыг хүсэхгүй байгаа мэдэгдэл дээрээ хулганаа аваачихад баруун талд нь ‘O’ болон ‘X’ байгаа.
Үүний ‘X’ буюу ‘Turn Off’ товч дээр нь дарна уу.
Дарахад “Turn Off” ба “Keep On” гэсэн хоёр сонголт гарч ирнэ. “Keep Off “ нь тэр чигээр нь хэвээрээ байлгана. Харин “Turn Off” товчийг дарвал дахиж тухайн тоглоом эсвэл апплекашнгээс мэдэгдэл ирэхгүй болно.
Амжилттай болсон бол доорх дэлгэц гарна. Мөн андуурсан байвал “Undo”-г дарахад буцаад хэвэндээ орох болно.

Таньд таалагдсан бол “Like” болон “Share” хийж өгнө үү.

2015-01-19

Facebook-с өөрийн зураг, бичлэг зэрэг мэдээллээ архивлаж нэг доор татаж авах.

Facebook дээрх зургаа устгах гэж байгаа болон хэрэглэхээ болих гэж байгаа хүмүүс үүнийг мэдэхэд илүүдэхгүй байх.

Facebook-д хэрэглэгч өөрийн бүх мэдээллээ архилаж авах боломжтой байдаг юм.
Үүнийг ашигласанаар өөрийн зургаа, зураг дээрх комментууд зэрэг таны Facebook хуудас дээр байдаг бүх мэдээллийг архивлан авах боломжтой.

Архивлах дараалал

Өөрийн Facebook хуудасны Settings-руу орно уу.
Settings рүү ороход доорх зураг шиг дэлгэц гарах бөгөөд үүний доор байгаа Download a copy-г дарна уу.
Доорх дарааллаар өөрийн мэдээллийг архивлана уу.
Эхлээд гарч ирсэн дэлгэцний Start My Archive товчийг дарна уу.Таныг мэдээллийг архивлах уу гэж байгаа тул “Start My Archive” товчийг дарна уу.Архивласан мэдээллээ таны Facebook-тэй холбоотой э-майлд архивлаж дууссанаа мэдээлэх болно.
Таны э-майл хаягт Facebook-ээс хоёр э-майл ирнэ. ‘Your Facebook download is ready’ гэсэн гарчигтай майл рүү орно уу.Э-майл дотор архивласан мэдээллээ татаж авах линк байгаа тул үүнийг дарж орно уу.
‘Download Archive’ дээр дарж өөрийн архиваа татаж авна уу.
Өөрийн нууц үгээ оруулахад таны архив тань татагдах болно.
Татаж авсан архив тань ‘facebook_таны нэр.zip’ гэсэн файл байна.
Үүнийг задлахад доорх файл болон фолдор байх бөгөөд үүний ‘index.htm’ эсвэл ‘index’ файл дээр дарна уу
‘index’ файлыг дархад таны бровзэр дээрхи өөрийн мэдээллээ харах боломжтой.

Таньд таалагдсан бол Like болон Share хийж өгнө үү.

2014-11-16

“Gmail” болон “Google”-ийн хаягаа яаж устгах вэ?

“Google”-ийн хаягаа устгах юм бол “Google”-ийн бусад үйлчилгээний (Gmail, Youtube зэрэг) хаягууд нь устах тул болгоомжилно үү.

Хаягаа устгах дараалал

Устгамаар байгаа хаягаараа ороод баруун дээр байгаа зураг дээр дараад гарч ирсэн цонхны “Account” дээр дарна уу.
Гарч ирсэн дэлгэцний “Data Tool”-г дараад дотор нь байгаа “Delete account and data” дээр дарна уу.
Гарч ирсэн үйлчилгээг бүгдийг нь сонгоно уу. Таны хэрэглэж байгаа үйлчилгээнүүд гарч ирэх тул тухайн хүнээс хамаарч өөр өөр байна.
Өөрийн нууц үгээ оруулаад доор нь байгаа хоёр сонголтуудыг сонгоод “DELETE GOOGLE ACCOUNT” товчийг дарна уу.
Амжилтай устгагдсан бол доорх дэлгэц гарна.

Таньд таалагдсан бол “Like” болон “Share” хийж өгнө үү.

2014-08-14

Хард дискээ эмхэтгэж, хурдан уншиж, бичдэг болгох.

Хард дискээ яагаад эмхэтгэх хэрэгтэй вэ?

Хард дискээ яагаад эмхэтгэх хэрэгтэй болон хард диск дээр болж байгаа үйлдлийг амархан тайлбарлая.
Шинэ хард диск дээр файл хадгалах үед хард диск дээр тухайн файлд зориулж нэг хайрцаг бэлдээд хамгийн эхэнд тавих болно. Файл хадгалах болгонд нь нэг хайрцаг бэлдээд өмнөх хайрцагны дараа нь тавина. Энэ үед хард тань хэвийн байна.

Үүний дараа та үүсгэсэн файлаа арилгах хэрэг гарна. Энэ үед хард диск дээрээсээ тухайн хайрцгийг арилгаж дээр нь файл хадгалах боломжтой болгоно. Тэр файл нь хард дискны хамгийн сүүлд байсан бол эмхэтгэх хэрэггүй. Дунд хэсэгт нь байсан файлыг арилгасан үед дараалж явж байсан хайрцаг дунд нэг зай гарна гэсэн үг юм. Арилгасан зайд нь яг таарах файл гэж бараг байхгүй.

Үүнээс болж хард диск дээр хоосон зай хаа сайгүй бий болдог. Хоосон зай нь хаа сайгүй болсноор нэг файл бүтнээрээ багтахгүй олон зайтай болж нэг файлыг олон өөр газар хувааж хадгалдаг болдог.

Нэг файлыг олон газар хадгалах нь хард дискэнд их ачаалал өгч хурдан эвдрэх шалтгааны нэг нь болно. Мөн олон газраас цуглуулж харуулахын тулд цаг их зарцуулна.

Энэ асуудлыг шийдхийг ‘Defrag’ буюу хард дискийг эмхэтгэх гэнэ.
‘Defrag’, ‘defragmetation’ гэдэг нь хард дискээ эмхэтгэх, цэгцлэх гэж ойлгож болно.

Хард дискээ эмхэтгэх програм.

Хард дискээ эмхэтгэхэд энэ удаад ‘Piriform’-ийн ‘Defraggler’ программыг ашиглана.

Татах : https://www.piriform.com/defraggler/download

Хэрэглэж болох үйлдлийн систем: Windows 8, 7, Vista, XP (32bit/64bit)

‘Defraggler’ суулгах.

Дээрх хаягаас татаж аваад дараах зурагны дарааллаар суулгана.

‘Defraggler’ хэрэглэх заавар

Хард дискээ шалгах.
Эхлээд хард дискэнд ямар нэгэн асуудал байгаа эсэхийг шалгана.
‘Action’ -> ‘Advanced’ -> ‘Check Drive for Errors’-р хард дискээ шалгана.
Доорх дэлгэц гарч байвал ямар нэгэн асуудал байхгүй. Асуудал илэрсэн тохиолдолд эмхэтгэхээ больж хэрэгтэй файлуудаа өөр дискэнд хадгалахыг зөвлөж байна.
Анализ
Шалгасан дискээ сонгоход доорх дэлгэц гарна.
Үүний дараа ‘Analyze’ товчийг дарж дискэндээ анализ хийнэ.
Анализ хийж дуустал нь хүлээнэ үү. Доорх дэлгэц гарах байдлаар хэр замбараагүй байгааг харах боломжтой. Өнгөний тайлбар. Улаан өнгөтэй байгаа нь замбараагүй байгаа файлууд юм.
Анализ хийсний дараа ямар файл замбараагүй болсон байгааг харах боломжтой. ‘File list’-г дархад замбараагүй файлуудын жагсаалт гарч ирнэ. Файлуудын нэр дээр дархад хаана хадгалагдаж байгаа нь гарна. Зүүн доор байгаа ‘Defrag Checked’-р зөвхөн сонгосон файлаа эмхэтгэх боломжтой.Үүнээс гадна файлыг хэмжээгээр нь хайх боломжтой. Доорх зураг нь 100MB-с 3000MB хүртэлх замбараагүй файлыг хайх болно.
Эмхэтгэх
Анализ хийгээд эмхэтгэх хэрэгтэй бол тухайн дискээ сонгоод ‘Defrag’ товчийг дарна уу.
‘Defrag’-г товч нь хоёр янз байдаг. ‘Quick Defrag’ нь хурдан эмхэтгэх боловч сайн эмхэтгэхгүй.
‘Defrag’ товчийг дархад хогийн саванд файл байгаа тохиолдолд хогийн савыг хоосон болгох уу гэж асууна. Эмхэтгэх үед аль болох хэрэггүй файлыг арилгах хэрэгтэй тул арилгаж байна уу.
Эмхэтгэх дискний хэмжээ болон замбараагүй байдлаас нь болж маш их цаг зарцуулдаг тул 3, 4 цаг зарцуулах тохиолдол хүртэл гарна.Эмхэтгэж дуустал нь хүлээнэ үү.Эмхэтгэж байх явцад эмхэтгэл хэдэн хувьтай явж байгаа, дуусах цаг, замбараагүй байгаа файлын хэмжээ, хэдэн ширхэг замбараагүй файл байгааг хэдэн хувь нь замбараагүй байгааг харах боломжтой.
Эмхэтгэх нь маш их цаг зарцуулдаг тул эмхэтгэл хийж дуусаад автоматаар компьютероо унтраах тохиргоо байдаг.
Меню доторх ‘Setting’->’Close program after Defrag’ идэвхижүүлснээр эмэгтгэж дуусаад программыг хаах.
‘Shutdown after Defrag’-г идэвхижүүлснээр эмхэтгэж дуусгаад компьютероо унтраах тохиргоог хийх боломжтой.
Том хэмжээтэй файлын байршлыг хойно байршуулах.
Том хэмжээтэй бичлэг зэргийн файлыг байршлыг дискийн хойно байршуулвал хард дискд хандалт нь сайжирах болно. Мөн том хэмжээтэй файлыг хард дискийн хойно байршуулснаар замбараагүй файл үүсэх боломжийг багасгах болно.
‘Settings’->’Options…’->’Defrag’ гэж ороод хард дискний хойд хэсэгт байршуулах бол ‘Move large files …’-г идэвхижүүлэх хэрэгтэй.
Тохиргоонд хэр их хэмжээтэй файлыг зөөхийг зааж өгнө. Доорх зураг дээр 300MB-с дээш хэмжээтэй файлыг зөөх болно. Мөн зөөх файлын өргөтгөлийг сонгох боломжтой.
Идэвхижүүлээд эмхэтгэсэн үед дараах зураг шиг болно.
Файл болон Фолдорыг эмхэтгэх.
Эмхэтгэмээр байгаа файл (Defrag File…) болон фолдороо (Defrag Folder…) сонгоод эмхэтгэх боломжтой.

2014-05-07

‘Facebook’-н хаягаа ЗӨВ аргаар бүр мөсөн устгах.

Манай Улсад SNS(Social Network Service) маш ихээр дэлгэрч ‘Facebook’ хэрэглэгчдийн тоо өсөж байна. Гэвч ‘Facebook’-г хэрэглэхээ болих үед өөрийн хаягаа зөв устгаж чадахгүйн улмаас таны мэдээлэл ‘Facebook’-ээс бүрэн арилахгүй үлддэг.

Та ‘Facebook’-ийн хаягаа устгаж өөрийн бүх мэдээллийг арилгах аргыг сурсан байхад илүүдэхгүй болов уу.

Хүн болгон мэддэг дараах аргаар таны мэдээлэл чинь арилахгүйг анхаарах хэрэгтэй.

Олон хүн ‘Facebook’-ээс хаягаа 100% арилгах аргыг мэддэггүй. Баруун дээрх доошоо зүгийн зураг дээр дараад ‘Setting’ дотор ороод зүүн талын меню дотор байгаа ‘Security’ ороод ‘Deactivate your account.’ гэж сонгох нь таны мэдээлэл ‘Facebook’ дээрээс арилахгүй, түр хэрэглэхгүй л гэсэн тохиргоо юм.

(FACEBOOK) Хаягаа түр идэвхгүй болгох

Доорх дараалал нь нэг нэг алхмаар нь заасан байгаа. https://www.facebook.com/help/delete_account хаягаар орж доорх зааж байгаа алхмын 7-р алхамруу шууд орох боломжтой.

(FACEBOOK) FACEBOOK хаягаа устгах арга

Хаяг болон мэдээллээ бүр мөсөн арилгах зөв арга.

Зүүн дээр байгаа доошоо зураас дээр дараад “Help” товч дээр дарна уу.
Үүний дараа гарч ирсэн меню дотроос хамгийн доор байгаа “Visit the Help Center” дээр дарна уу.
“Facebook”-ийн тусламжийн төвийн хуудас холбогдох болно. Үүний зүүн талын меню дотроос “Manage Your Account” дээр дарна уу.
Дараагийн хуудас дээр мөн зүүн талын меню дотроос “Deactivating, Deleting & Memorializing Accounts” дээр дарна уу.
Дэлгэцэн дээр “Deactivating, Deleting & Memorializing Accounts”-ийн доторх агуулга гарч ирнэ. Үүн дотроос “Deleting Accounts” гарчиг доор байгаа “How do I permanently delete my account?” дээр дарна уу.
“How do I permanently delete my account?” дотор хаягаа хэрхэн арилгах талаар байгаа. Үүн дотроос “let us know”-г дарна уу. Та “Facebook” хаягаа арилгахын өмнө мэдээллийг хуулж авах хэрэгтэй бол “Facebook дээрээс өөрийн мэдээллийг компьютер дээрээ хуулах”-г үзнэ үү.
Үүний дараа арилгах уу? үгүй юу? гэж асууна. Арилгах бол “Delete My Account” дээр дарна уу.
Нууц үг болон зураг дээрх үсгүүдийг оруулаад “Okay” товчийг дарна уу.
Одоо таны хаяг арилах бөгөөд 14 хоногийн дараа бүх мэдээлэл тань устах болно.
Таны мэдээлэл 14 хоног хадгалагдах бөгөөд буцаагаад ашиглах бол 14 хоногийн дотор бол буцаагаад ашиглах боломжтой. Буцааж хаягаа хэрэглэх бол өмнө нь орж байснаараа “Facebook”-д нэвтрэхэд доорх цонх гарч ирэх бөгөөд сэргээх бол “Cancel Delection”-г дарж сэргээнэ үү.Таньд таалагдсан бол “Like” болон “Share” хийж өгнө үү.

2014-04-09

Компьютерынхоо ажиллаж байгаа байдал болон үзүүлэлтийг үзэх.

Өөрийн компьютерын үзүүлэлтүүд болон залгаатай байгаа төхөөрөмжүүдийн үзүүлэлтийг харах хэрэгтэй байвал “Speccy” программыг ашиглана уу. Энэ программ нь өөрт залгаатай байгаа төхөөрөмжийн одоо ажиллаж байгаа байдал, хэр халж байгаа, үзүүлэлтийг ойлгомжтой харуулах болно.

Татах: http://www.piriform.com/speccy/builds

Хэрэглэж болох үйлдлийн систем: Windows8, Windows 7, Vista, XP, 2000

Татаж авах

Дээрх хаягаар орж татаж авна уу. Дээрх хаягаар ороход “Speccy”-ийн гурван төрлийг татаж авах боломжтой бөгөөд хамгийн дээд байгаа “Speccy – Installer”-г татахад болно. “Speccy – Portable” болон “Speccy – Slim” нь зөөврийн болон багасгасан хувилбар юм.

Суулгах

Дараах зургийн дарааллаар суулгана уу. Татаж явсан файлаа ажиллуулахад эхний дэлгэц гарна. Элдэв тохиргоо байхгүй бөгөөд “Next” товчийг дарж байхад суулгаж дуусах болно.

Харж болох үзүүлэлтүүд

“Speccy”-г ажиллуулаад эхлээд “Speccy” таны компьютерийн мэдээллийг цуглуулах тул түр хүлээнэ үү.Үүний дараа мэдээллүүд нь гарна. Доорх зураг шиг харагдах бөгөөд ажиллаж байгаа төхөөрөмжүүдийн нэр болон халдаг төхөөрөмжүүд одоо хэр халуун байгааг нь харж болно.

Харин зүүн талд байгаа цэсүүдийг сонгосноор тухайн төхөөрөмжүүдийг маш дэлгэрэнгүй мэдээллүүдийг харах боломжтой болно. Доорх төхөөрмжүүдийн мэдээллийг харах боломжтой.

Ерөнхий үзүүлэлт

Залгаатай байгаа төхөөрөмжүүдийн нэр болон градусыг харах боломжтой.

Operating System (Үйлдлийн системийн талаарх мэдээлэл)

Үйлдлийн системийн хувилбар, суулгасан өдөр, серийн дугаар, бусад мэдээллүүдийг харах боломжтой.

RAM (Шуурхай санах ойн талаарх мэдээлэл)

Шуурхай санах ойг залгах зай, залгаастай байгаа шуурхай санах ой, хоосон байгаа зай, залгайтай байгаа шуурхай санах ой нарын мэдээллүүд зэргийг харах боломтой.

CPU-гийн нэр, хурд, хэдэн цөмтэй, одоо ажиллаж байгаа байдлыг харах боломжтой.

Motherboard (Гол хавтангийн талаарх мэдээлэл)

Нэр, үйлдвэрлэсэн компани, BIOS зэргийн мэдээллийг харах боломжтой.

Graphics

График картын талаарх мэдээлэл ажиллаж байгаа байдал мөн мониторын мэдээллийг харах боломжтой.

Storage (Хард дискны талаарх мэдээлэл)

Залгаатай байгаа хард дискны нэр, хэмжээ зэргийг харах боломжтой.

Optical Drives (DVD, CD уншигчний талаарх мэдээлэл)
Audio (Микрофон, чихэвчний талаарх мэдээлэл )
Peripherals ( Гар болон хулганы талаарх мэдээлэл)
Network (Интэрнетийн талаарх мэдээлэл)

Тус тус сонгосон төрөл дээр нь “Ctrl + C”-г дарснаар тухайн мэдээллийг хуулах боломжтой.

Мөн меню дээрх “File” гэж ороод

“Save snapshot…”
“Save as XML…”
“Save as Text file…”

гэсэн гурван янзаар хадгалах боломжтой.

“Save snapshot…”-р хадгалсан файлаа “Load snapshot…”-р уншиж үзэх боломжтой.

Өөрийн компьютерийн мэдээллийг “Publish snapshot…”-р “Speccy”-н серверт мэдээллээ хадгалах боломжтой. (Ямар нэг хүнд мэдээллээ харуулах хэрэгтэй бол)
Таньд таалагдсан бол “Like” болон “Share” хийж өгнө үү.

2014-03-31

Гацаж удаад байгаа компьютероо хурдан болгох гарын авлага.

“CCleaner” гэж ямар програм вэ?

Компьютерын системд үүсгээд хэрэглэхгүй болсон файлууд, регистр зэргийг устгаад компьютерийг тань хурдан болгодог програм юм.

Татах: http://www.piriform.com/ccleaner/download

Хэрэглэж болох үйлдлийн систем: Windows 7, Vista, XP, 2000

CCleaner-г суулгах

Доорх зургуудын улаанаар дугуйлсныг дараад үргэлжлүүлнэ үү?

CCleaner-г дээр байгаа хаягаар орж татаж авна уу. Доорх гурван хаягуудын алинаар нь ч орж татаж авч болно.
Татаж авсан “exe” файлаа ажиллуулахад доорх дэлгэц гарна “Next” товчийг дарна уу.
Доорх тохиргоог өөрчлөх шаардлагагүй тул “Next” товчийг дарна уу.
“Finish” товчийг дараад суулгаж дуусна.

CCLeaner-г хэрэглэх

Cleaner меню

Хамгийн дээр байгаа меню “Cleaner” нь “Windows” болон суулгасан програмуудын хэрэггүй файлуудыг арилгана. Хэрэггүй файлуудаа өөрөө сонгоод арилгах боломжтой.

“Windows” доторх сонголтууд

Internet Explorer
- Түр хадгалсан файлууд.
- Орсон сайтын түүх.
- Cookies.
- Майл хаяг болон нууц үг…

Explorer
- Ойрд хэрэглэсэн файл.
- “Run” дээр бичсэн коммандууд.
- “Thumbail” файлууд…

System
- Хогийн савыг хоосон болгох.
- Түр хэрэглэх файлууд.
- “Clipboard”: Хуулахад түр хадгалагдах хэсэг.
- “Memory Dumps”: Системд алдаа гарсан үеийг хадгалсан файл.
- “CHKDSK file Fragments”:
- “Windows log file”: “Windows”-ийн протокол…

Зэрэг файлуудыг хайж арилгах боломжтой.

“Application” доторх сонголтууд (суулгасан програмаас хамаарч өөр байна.)

Firefox/Moziila
- Түр хадгалсан файлууд.
- Орсон сайтын түүх.
- Cookies.
- Майл хаяг болон нууц үг… “Opera”, “Safari”, “Google Chrome” бас адилхан.

Application
- Adobe Reader
- Adobe Acrobat
- Adobe Photoshop
- Office 2007

Internet
- Sun Java
Multimedia
- Adobe Flash Player
- VLC Media Player

Utilities
- 7-Zip
- Windows Defender
- WinRAR

Windows
- Game Explorer
- MS Management Console
- MS Paint
- Regedit

Зэрэг програмуудыг хэрэггүй болсон файлуудыг хайж устгах боломжтой.

Сонгосон зүйлүүдээ “Analyze”-г дарж хайна.Анализ хийж дуусаад нийт арилгах боломтой файлын тоо болон хэмжээг харж болно. “Run Cleaner”-г дараад анализ хийгээд арилгах боломжтой файлуудыг арилгана.

Registry меню

“Registry” меню нь компьютер дээр хадгалагдсан “Registry” дотроос хэрэггүй болсныг нь арилгаж “Windows”-г хурдан болгоно. “Registry”-г хамаагүй оролдох юм бол “Windows” ажиллахгүй болдог тул оролдохын өмнө заавал хадгална уу.

“Scan for Issues”-г дарж “Registry” доторх хэрэггүй зүйлсийг хайх болно.Хэрэггүй “Registry”-г арилгахын өмнө одоо байгаа байдлыг хадгалах боломжтой. Ингэснээр ямар нэгэн асуудал гарсан үед буцааж хэвэнд нь оруулах боломжтой.Доорх цонх нь хэрэггүй “Registry”-г арилгаж байгаа явц бөгөөд нэг нэгээр нь арилгах буюу “Fix Issue”, шууд бүгдыг нь арилгах буюу “Fix All Selected Issues” гэсэн хоёр товчтой.Арилгаж дууссан бол “Close” товчийг дарснаар дуусах болно.

Tools меню

Нэмэлт компьютероо хурдасгах зүйлсүүд.

Uninstall

Cуулгасан програмаа устгах боломжтой. Мөн устгасан мөртлөө “Control Panel”-ийн “Uninstall a programm” дотроос устаагүй програмыг устгах боломжтой.

StartUp

“Windows”-ийг асхад шууд ажиллаж эхэлдэг програмыг болиулах боломжтой. Асах үед хэрэггүй програмыг ажиллуулахгүй болгосоноор “Windows”-ийг асхад хурдан болно. (Сайн мэдэхгүй програмыг ажиллуулахгүй болгосноор зарим программ ажиллахгүй болох магадлалтай тул болгоомжилно уу.)

File Finder

Давхардсан файлаа олоод устгах боломжтой.

System Restore

Хэрэггүй “System Restore”-г арилгах боломжтой. “System Restore” нь системд ямар нэгэн өөрчлөлт хийхийн өмнө тухайн системийн мэдээллийг хадгалах үйлдэл бөгөөд ямар нэгэн байдлаар алдаа гараад систем ажиллахгүй болсон үед тухайн үед хадгалсан байдал нь буцаахад хэрэглэнэ.

Drive Wiper

Өөрийн хард дискийг сэргээгдэх боломжгүй болно.

“Security” нь хэдэн удаа дээр нь файл бичихийг сонгох бөгөөд олон байх тусам сэргээхэд хэцүү болно. Таньд таалагдсан бол “Like” болон “Share” хийж өгнө үү.

2014-02-23

“Microsoft Office Word 2013” дээр “Developer” менюг нэмэх.

“Microsoft Office Word 2013” дээр макро зэргийг ажиллуулах болон макро бичих зэрэгт хэрэгтэй “Developer” менюг нэмэх.

“File” товч дээр дарна.
Гарч ирсэн меню дотроос зүүн доод хэсэгт байгаа “Option” дээр дарна.
Гарч ирсэн цонхны зүүн хэсэгт байгаа “Customize Ribbon”-г дарна.
“Customize Ribbon”-г дарсны дараа доорх цонх гарна. Үүний зүүн тал нь идэвхтэй байгаа меню бөгөөд үүнээс “Developer”-г идэвхтэй болгоод “OK” товчийг дарна.Үүний дараа “Developer” меню нэмэгдсэн байна.Таньд таалагдсан бол “Like” болон “Share” хийж өгнө үү.

2014-01-07

“Dropbox” гэж юу вэ? “Dropbox”-г хэрэглэх заавар.

“Dropbox”-г ашигласанаар та өөрийн файлаа авч явахгүйгээр интернеттэй дурын газраас хэрэглэж, өөрчлөх боломжийг олгодог үйлчилгээ юм.

Энд “Dropbox”-н хийж болох үйлдлүүдийг хэрхэн ашиглахыг заах болно. Үүнийг програм гэж ойлгохоос илүү клоуд үйлчилгээ гэж ойлгох хэрэгтэй. Клоудын талаар “Клоуд гэж юу вэ?” хэсгээс дэлгэрүүлж уншина уу.

“Dropbox”-н хаягтай болох.

Эхлээд “Dropbox”-г хэрэглэхдээ “Dropbox“-р орж хаяг нээх хэрэгтэй. Хаяг нээхдээ байгаа зураг шиг дэлгэц гарч үүний “Sign up”-г дарах хэрэгтэй.

“Sign up” товчийг дарсны дараа доорх дэлгэц гарна. Та дараах зүйлсийг оруулах хэрэгтэй. Дээрээс нь Таны нэр, овог, е-майл хаяг, нууц үгээ оруулах хэрэгтэй. Үүний дараа “Sign up” товчийг дарна уу.Үүний дараа доорх дэлгэц гарч “Dropbox” автоматаар татагдаж эхэлнэ.Dropbox”-г суулгахдаа дараах дарааллаар суулгана уу.

Суулгаж дуусаад та өөрийн үүсгэсэн хаягаараа нэвтэрч орох хэрэгтэй. “Dropbox”-г хэрэглэх.

“Dropbox”-г та интернет бровзэр, компьютер дээр суулгасан програм болон гар утас дээр суулгасан програмууд дээрээ хэрэглэх боломжтой. Та өөрийн хаяг дээрээ хадгалсан файлаа хаанаас ч гэсэн авч хэрэглэх боломжтой болно гэсэн үг юм.

Хэрэглэх заавар:

Татаж авсан програм ажиллахад дараах дэлгэц гарна. Таны “Favorites” дотор “Dropbox” гэсэн фолдэр үүссэн байгаа. Үүссэн фолдэр дотор та өөрийн “Dropbox” дотор хадгалах файлаа хуулахад “Dropbox” дээр хадгалагдаж эхэлнэ.

Интернет дээр хадгалагдсан файл нь доорх зураг дээр байгаа файл дээр гарсан шиг зөв тэмдэглэгээгээр тэмдэглэгдсэн байна.Доорх зураг дээр дөнгөж хуулсан файлыг харуулж байна. “Evernote.docx” гэсэн файлын дээр зөв тэмдэглэгээ биш цэнхэр өнгө дотор тойрог шиг зурагтай байна. Энэ файл нь интернет дээр хадгалж амжаагүй байгаа файлыг харуулж байна. Интернет дээр хадгалагдаж дуусхаараа зөв тэмдэглэгээтэй болно.Ингээд та өөрийн файлаа дурын газраас хэрэглэх боломжтой болно. Дээрх үйлдлүүд нь “Dropbox” компьютер дээр ажиллаж байх үед л хийгдэнэ.

Устгасан файлаа сэргээх.

Устгасан файлаа сэргээх үйлдлийг нь “Mozila Firefox”, “Google Chrome” зэрэг интернет бровзрээр ороод хэрэлэх боломжтой. Доорх зураг нь бровзрээр орсон үед гарах дэлгэц юм.Устгасан файлаа сэргээхдээ эхлээд баруун дээр байгаа дөрвөн товчийн хамгийн баруу талд байгаа “Show deleted file” гэсэн товчийг дарна.Дээрх товчийг дархад арилгасан файл болох “Getting Started.pdf” файл харагдах болно.Одоо арилгасан “Getting Started.pdf” файл дээрээ баруун товчоо дархад доорх сонголтууд гараад үүний хамгийн дээр байгаа “Restore”-г дархад файл сэргээгдэх болно.

Өөрчилсөн файлаа буцаах.

“Dropbox” нь өөр дээр хадгалагдсан файлуудын өөрчлөлтийг мөн хадгалж байдаг тул хийсэн өөрчлөлтүүдийг буцаах боломжтой. Үүнийг хийхэд буцаамаар байгаа файл дээрээ баруун товчоо дархад доорх сонголтууд гарна. Хийсэн үйлдлээ буцаахад хамгийн доор байгаа “Previous versions” дээр дарах хэрэгтэй.“Previous versions” товчийг дархад доорх дэлгэц гарна. Доох зураг нь хоёрхон үйлдэл хийсэн харагдаж байгаа ч олон удаа өөрчлөлт хийсэн бол олон гарна. Гарч ирсэн тайлбар нь та хэзээ өөрчилсөн юунаас өөрчилсөн зэрэг мэдээллүүдийг харах боломжтой. Өөрчилсөн мэдээллүүдийг харж байгаад та буцаамаар байгаа хэсэг рүүгээ буцаана уу.

Бусад хүмүүст өөрийн файлаа шайре хийх.

“Dropbox”-н нэг онцлох тал өөрийн файлаа бусад хүмүүстэй шайре хийх боломжтой юм. Үүнд хоёр янзаар шайре хийх боломжтой. Нэг нь өөрийн файлаа таньдаг хүмүүсдээ шайре хийх. Нөгөө нь “Dropbox”-н хэрэглэгч дундаа хэрэглэж болох фолдэр шайре хийх боломжтой.

Зөвхөн файлаа шайре хийх дараалал:

Эхлээд өөрийн шайре хийх гэж байгаа файл дээрээ баруун товчоо дарна. Гарсан сонголтуудын хамгийн дээр байгаа “Share link”-г сонгоно.“Share link”-ийг сонгоход доорх дэлгэц гарах ба шайре хийх хүмүүсийн е-майл хаягийг оруулж өгнө. Ингээд тухайн е-майл явуулсан хүнд е-майл ирэх ба е-майл нь ороод шайре хийсэн файлыг үзэх мөн татаж авах боломжтой болно.

Фолдэрээр нь шайре хийх дараалал:

Эхлээд шайре хийх фолдэроо үүсгэнэ. Үүнд баруун дээр байгаа дөрвөн товчийн “Share a folder” гэсэн товчийг дарна.“Share a folder” товчийг дарсны дараа доорх дэлгэц гарна. Эхний сонголт нь шинэ фолдэр үүсгэх, доорх товч нь үүсгэсэн файлаа шайре хийх гэсэн сонголт юм. Энэ тохиолдолд фолдэр үүсгэсэн байгаа тул доорх сонголтыг хийгээд “Next” товчийг дарна уу. “Share” фолдэрийг шайре хийх гэж байгаа тул “Share” фолдэрийг сонгоод “Next” товчийг дарна уу.Үүний дараа шайре хийх хүний е-майл хаягийг оруулаад “Share folder” товчийг дарна уу.Шайре хийсэн файл нь баруун талдаа гинжний зурагтай болно.Шайре хийсэн файлаа болиулахдаа зүүн талд байгаа “Links” товчийг дархад гарч ирсэн дэлгэцэн дээрх файлыг арилгахад л болно. Доорх зургийн баруун талд байгаа “x”-г дархад арилгана.Таньд таалагдсан бол “Like” болон “Share” хийж өгнө үү.

2013-11-28