USB_Flash_disk_logo
Компьютер, Мэдээ, Флаш диск

USB флаш диск дээр 4GB-аас их хэмжээний файлыг хадгалж болгодог болгох.

Гарчиг

Яагаад 4GB-аас их хэмжээтэй файлыг хадгалж болохгүй вэ? гэвэл эхлээд Үйлдлийн системийн файл хадгалах систем болох “FAT32” болон “HTFS”-г мэдэх хэрэгтэй.

Файл систем

Файл систем нь хард диск болон флаш дискэнд хадгалагдсан мэдээллийг менежмент хийх системийг хэлнэ.

Файл систем нь олон төрөл байдаг бөгөөд тус тусдаа өөрийн гэсэн менежмент хийдэг аргатай. CD болон DVD-ч гэсэн өөрийн гэсэн файл системтэй юм.

FAT32

“FAT32” нь “File Allocation Table” бөгөөд 32 нь 32bit-ийг зааж байгаа юм. Мөн “FAT16” болон “FAT12” гэж байдаг. Эдгээр нь “Windows 98/Me” зэрэг үйлдлийн системүүдийн хэрэглэж байсан файл систем. “Windows XP / Vista/ 7/ 8” болон “Mac OS” дээр хэрэглэх боломжтой.

Системийн үзүүлэлт:

  • Дискний хэмжээ нь 2TB хүртэл багтаамжтай байж болно.
  • 4GB хүртэлх файлыг хадгалдаг.
  • Файлын нэр нь 256 тэмдэгтэд багтах гэх мэт

Өмнөх үеийн систем тул ямар нэгэн асуудал гарсан үед файл устах болон алдаатай файл болох магадлалтай.

Дээр үеийн систем болохоор 4GB-ийн файлыг хадгалах тохиолдол бага байсан тул ийм тохиргоотой юм.

NTFS

Энэ нь “Windows”-ийн үндсэн файл систем юм. Гэхдээ “Windows 95” болон “Windows 98” үйлдлийн систем үүнийг уншиж чадахгүй.

Системийн үзүүлэлт:

  • Хард дискний хэмжээ нь 256TB хүртэл багтаамжтай байж болно.
  • 16TB хүртэлх файлыг хадгалдаг.
  • Файлын нэр нь 256 тэмдэгт.(Unicode)
  • Шахах болон файлыг нууцлах боломжтой.

Үүнээс гадна “FAT32” системээс диск руу хуулах болон хайх хурд нь хурдан болсон. Алдаа гарах магадлал нь багасаж алдаанаас болж файл устах хувийг багасгах зэрэг олон талаар сайжруулсан.

Яагаад “USB” флаш диск “FAT32” файл системтэй байдаг вэ?

“NTFS” нь “FAT32”-оос хамаагүй илүү файл систем боловч “Mac OS” нь  “NTFS”-ийг уншиж чаддаггүй. “NTFS”-ээр флаш дискийг зарах юм бол “Mac OS”-ийг хэрэглэдэг хэрэглэгч нар нь өөрсдөө “FAT32” болгох хэрэгтэй болдог тул “FAT32”-р системээр худалддаг байна.

“Mac OS” хэрэглэдэг хүн хэрхэн 4GB-аас дээш файлыг хадгалах вэ?

“FAT” системийг сайжруулсан “edFat”(Extended FAT) гэдэг файл систем байдаг. Энэ файл систем нь “Mac OS” дээр хэрэглэх боломжтой бөгөөд 4GB-аас их файлыг мөн хадгалах боломжтой.

Мөн “Windows” болон “Mac OS” аль алин дээр нь хэрэглэх боломжтой файл систем юм. Гэхдээ файл системийг “edFat” болгохдоо “Windows” дээр системийг нь өөрчлөхийг зөвлөж байна. “Mac OS” дээр өөрчилсөн үед “Windows” дээр уншиж чадахгүй асуудал гардаг байна.

“USB” флаш дискээ файл системыг солих.

Эхлээд “USB” флаш дискийн файл системийг шалгах хэрэгтэй.  “My Computer” дээр гарч ирсэн флаш диск дээрээ хулганынхаа баруун товчийг дарж гарч ирсэн цонхны “Properties” дээр дараад файл системийг харах боломжтой.filesystemtoNFTS_1 filesystemtoNFTS_2 Файл системийг өөрчлөхөд тухайн дискээ формат хийх хэрэгтэй болдог. Флаш диск дээрээ хулганын баруун товчийг дараад “Format…” дээр дарна уу.filesystemtoNFTS_3Гарч ирсэн цонхон дээр файл системээ сонгоно уу. Таньд аль систем нь таарахыг та өөрөө сонгоно уу. Сонгоод “Start” товчийг дарна уу. filesystemtoNFTS_4 Доорх цонх гарч ирэх бөгөөд “OK” товчийг дараад форматлаж дуусах хүртэл нь хүлээнэ үү. filesystemtoNFTS_5Форматлаж дуусахад доорх цонх гарч ирнэ. “OK” товчийг дараад дуусч байна.filesystemtoNFTS_6 Энэ удаа форматлахдаа “NTFS”-г сонгож форматласан тул “NTFS” болсон байна.filesystemtoNFTS_7

 

Дүгнэлт

Хэрэв та “Windows”-ийн үйлдлийн системийг л ашигладаг бол флаш дискээ “NTFS” болгохийг зөвлөж байна.

“Windows” болон “Mac OS” хоёуланг нь ашигладаг бөгөөд том хэмжээний файл дамжуулдаг бол “edFat” болгох хэрэгтэй. Гэхдээ асуудал гарч магадгүй.

Аль аль үйлдлийн системийг хэрэглээд том файл дамжуулдаггүй бол “FAT32”-той байхад болно.

 

Таньд таалагдсан бол “Like” болон “Share” хийж өгнө үү.