Өөрийн Word загвар (Template) үүсгэж хадгалах
Товч тайлбар
Template (.dotx) нь хоосон загвар файл. Түүнийг нээхэд эх файл өөрчлөгдөхгүй, оронд нь шинэ баримт үүснэ. Тиймээс загвараа санамсаргүй дарж бичих аюулгүй.
Хэрхэн ашиглах вэ?
- Хуудасны тохиргоо, Style, толгой хэсэг, лого зэргийг бэлэн болгосон файлаа нээнэ. Хувь хүний мэдээллийг устгана.
- File › Save As дарж Save as type-аас Word Template (*.dotx) сонгоно.
- Хавтас автоматаар Documents › Custom Office Templates болно. Нэр өгөөд хадгална.
- Шинэ файл нээхдээ File › New-ийн Personal хэсгээс загвараа сонгоно.
Зөвлөгөө: Загварт макро байгаа бол Word Macro-Enabled Template (*.dotm) сонгоно. Макрогүй бол .dotx хангалттай.
Жишээ нь байгууллагын албан бичиг бүр ижил толгой хэсэг, лого, хоосон зайтай байх ёстой бол хүн бүр хуучин файлаа хуулж засдаг. Ингэхэд өмнөх бичгийн текст үлдэх, хэн нэгэн эх файлыг дарж хадгалах зэрэг алдаа гардаг. Template ашиглавал ийм асуудал гарахгүй.
Загвараа засах
Загварыг засах бол File › New-ээр биш, File › Open-оор .dotx файлыг өөрийг нь нээнэ. Засаад хадгалсны дараа үүсгэх шинэ файлууд өөрчлөлтийг авна. Өмнө нь үүссэн файлууд өөрчлөгдөхгүй.
Normal.dotm
Word-ийн хоосон шинэ баримт бүр Normal.dotm гэсэн загвараас үүсдэг. Фонт эсвэл Paragraph цонхонд Set As Default дарахад энэ загвар өөрчлөгдөнө. Энэ талаар шинэ файлын фонтын тохиргоо нийтлэлд бий.
Загварыг багтаа хуваалцах бол .dotx файлыг сүлжээний хавтас эсвэл OneDrive-д байрлуулж, хүн бүр өөрийн Custom Office Templates хавтсанд хуулна.